وزیر اعظم نریندر مودی نے پیرس پیرالمپکس کے لئے بھارتی دستے کے ساتھ بات چیت کی جو اِس ماہ کی 28 تاریخ کو شروع ہوگا۔ اُنہوں نے یہ بات چیت کَل ویڈیو کانفرنس کے ذریعے کی۔ بات چیت کے دوران جناب مودی نے کہا کہ بھارتی ایتھلیٹس بھارت کے پرچم برداروں کی حیثیت سے پیرس جارہے ہیں۔

 جناب مودی نے کہا کہ 140 کروڑ ہم وطنوں کی دعائیں ایتھلیٹس کے ساتھ ہیں۔ انہوں نے کہا کہ یہ سفر اُن کی زندگی اور کریئر کا ایک انتہائی اہم سفر ہوگا۔

کھیلوں کے وزیر منسکھ مانڈویا نے کہا کہ بھارت پیرالمپکس میں شرکت کیلئے اپنا سب سے بڑا دستہ بھیج رہا ہے  اورپیرس پیرالمپکس میں 84 با صلاحیت ایتھلیٹس بھارت کی نمائندگی کریں گے۔