وزیراعظم نریندر مودی اِس مہینے کی 25 تاریخ کو آکاشوانی پر من کی بات پروگرام میں ملک اور بیرونِ ملک کے لوگوں سے اپنے خیالات کا اظہار کریں گے۔ یہ ماہانہ ریڈیو پروگرام کا 113واں نشریہ ہوگا۔ لوگ آئندہ پروگرام کے لیے اپنے نظریات اور تجاویز کا اظہار مفت ٹیلی فون نمبر ایک آٹھ صفر صفر، ایک ایک، سات آٹھ صفر صفر

پر کر سکتے ہیں۔ لوگ اپنے خیالات کا اظہار نریندر مودی ایپ اور  MyGov Open Forum کے ذریعے آن لائن بھی کر سکتے ہیں۔ اگلے نشریے کے لیے سبھی تجاویز اِس مہینے کی 23 تاریخ تک حاصل کی جائیں گی۔

من کی بات پروگرام آکاشوانی اور ددردرشن کے تمام تر نیٹ ورک، AIR  نیوز کی ویب سائٹ اور نیوز آن AIR موبائل ایپ پر نشر کیا جائے گا۔

یہ پروگرام AIR نیوز، ڈی ڈی نیوز، PMO اور اطلاعات و نشریات کی وزارت کے یوٹیوب چینلوں پر بھی براہِ راست نشر کیا جائے گا۔ ہندی نشریے کے فوراً بعد آکاشوانی اِسے علاقائی زبانوں میں نشر کرے گا۔