وزیراعظم نریندر مودی آج صبح سویرے جنوبی فرانس میں Marseille پہنچ گئے ہیں۔ وزیراعظم کے دورے کی خبریں فراہم کرنے والے ہمارے نامہ نگارنے آج Marseille میں اُن کی مصروفیات کے بارے میں یہ رپورٹ بھیجی ہے۔

V/C Rajadurai

وزیراعظم نریندر مودی، پیرس میں اپنے اعلیٰ سطح کی بہت سی مصروفیات کے بعد فرانس کے صدر ایمانوئل میخواں کے ساتھ Marseille پہنچ گئے ہیں۔ یہاں بھارتی برادری نے وزیراعظم کا پُرجوش خیر مقدم کیا۔

وزیراعظم مودی اور صدر میخواں، اپنی مضبوط شراکت داری کو جاری رکھتے ہوئے آج کئی اہم تقریبات میں شرکت کر رہے ہیں۔ دونوں رہنما، Marseille  میں، پہلے بھارتی قونصل خانے کا مشترکہ طور پر افتتاح کریں گے۔ یہ ایسا قدم ہے جس سے جنوبی فرانس میں بھارتی برادری کے لیے نہ صرف قونصل خانے کی خدمات میں اضافہ ہوگا بلکہ یہ ”بھارت  – مشرقِ وسطیٰ۔ یوروپ اقتصادری راہداری“ میں بھی ایک اہم رول ادا کرے گا۔

وہ ”بین الاقوامی حرارتی نیوکلیائی تجرباتی ری ایکٹر“ کا بھی دورہ کیا جو ایک کثیر ملکی پہل ہے اور جس میں بھارت اور فرانس بھی شامل ہیں۔ اِس پہل کا مقصد عالمی مفاد کے لیے نیوکلیائی توانائی کو فروغ دینا ہے۔

بھارت اِس پروجیکٹ میں 2005 میں باقاعدہ طور پر شامل ہوا تھا اور اِس دورے سے صاف ستھری توانائی کے عزم کا اظہار ہوتا ہے۔ دونوں رہنما اُن بھارتی سپاہیوں کو خراج عقیدت پیش کریں گے جنھوں نے پہلی اور دوسری جنگِ عظیم میں اپنی جانوں کی قربانی دی تھی۔ فرانس میں اپنی مصروفیات کے بعد وزیراعظم مودی آج دیر گئے امریکہ کے دو روزہ دورے پرروانہ ہو جائیں گے۔ وہ صدر ڈونلڈٹرمپ کی دعوت پر یہ دورہ کر رہے ہیں۔