وزارت خارجہ نے ایک ایڈوائزری جاری کرکے بھارتی شہریوں پر زور دیا ہے کہ وہ اگر ضروری نہ ہو تو لیبیا کا سفر کرنے سے گریز کریں۔ اِس سے پہلے وزارت نے 23 مئی 2016 کو بھارتی شہریوں کے لیبیا جانے پر پابندی عائد کردی تھی۔

لیبیا کے موجودہ حالات کا جائزہ لیے جانے کے بعد یہ نرمی کی گئی ہے۔ لیبیا میں رہنے والے بھارتی شہریوں کو یہ صلاح دی گئی ہے کہ وہ محتاط رہیں، سڑک کے راستے ایک صوبے سے دوسرے صوبے کا سفر کرنے سے گریز کریں اور ایمرجنسی فون نمبر کے ذریعے طرابلس میں بھارتی سفارتخانے کے ساتھ رابطہ برقرار رکھیں۔ فون نمبر اس طرح ہے۔ صفر دو ایک آٹھ – نو چار تین نو – نو دو صفر چار چھ