نیشنلسٹ کانگریس پارٹی اور نیشنلسٹ کانگریس پارٹی شرد چندر پوار نے 20 نومبر کو ہونے والے، مہاراشٹر اسمبلی انتخابات کیلئے اپنے امیدواروں کی تیسری فہرست جاری کر دی ہے۔ اجیت پوار کی قیادت والی نیشنلسٹ کانگریس پارٹی نے، چار امیدواروں کی فہرست جاری کی ہے۔ ریاستی صدر سُنیل تَتکرے نے، ممبئی میں آج ایک پریس کانفرنس میں اِن ناموں کا اعلان کیا۔ پارٹی نے ابھی 49 امیدواروں کا اعلان کیا ہے۔این سی پی- شرد چندر پوار کی فہرست، پارٹی کے ریاستی سربراہ جینت پاٹیل نے آج ممبئی میں جاری کی، جو 9 امیدواروں پر مشتمل ہے۔ اِس میں نئے اور پرانے دونوں طرح کے چہرے ہیں۔پارٹی نے ابھی تک 76 امیدواروں کا اعلان کیا ہے۔