نوجوانوں کے امور اور کھیلوں کے وزیر ڈاکٹر منسکھ مانڈویا نے 29 اگست کو کھیلوں کا قومی دن منانے کیلئے ملک گیر سطح پر کھیلوں میں شمولیت پر زور دیا ہے۔ جناب مانڈویا نے بھارت کو ایک صحتمند ملک بنانے کے وزیر اعظم نریندر مودی کے خواب کا ذکر کیا۔ وزیر موصوف نے وزیر اعظم کی ’فٹ انڈیا‘ تحریک کو آگے لے جانے کی اہمیت کو یہ کہتے ہوئے اجاگر کیا کہ اپنی صحت کو برقرار رکھنا اور سرگرم رہنا ہر بھارتی شہری کی ذمے داری ہے۔ انھوں نے مزید کہا کہ کھیلوں کا قومی دن نہ صرف ہمارے کھیلوں کے سرکردہ کھلاڑیوں کو اعزاز بخشنے کا موقع ہے بلکہ یہ دن اِس بات کی بھی یاددہانی کراتا ہے کہ کس طرح کھیل ایک متوازن اور صحتمند زندگی کو برقرار رکھتے ہیں۔