مہاکنبھ میں ہوئے حادثے کی وجوہات کا پتہ لگانے کیلئے تشکیل دی گئی ایک عدالتی کمیشن نے آج حادثے کی وجوہات کی تحقیق کے سلسلے میں سنگم گھاٹ کا دورہ کیا۔ بدھ کو مہاکنبھ میں ہوئے اِس حادثے میں 30 افراد کی موت اور 60 دیگر زخمی ہوگئے تھے۔ہمارے نامہ نگار نے خبر دی ہے کہ اترپردیش حکومت نے حادثے کی وجوہات کا پتہ لگانے کیلئے ایک عدالتی کمیشن تشکیل دی ہے۔
الہ آباد ہائیکورٹ کے ایک ریٹائرڈ جج ہرش کمار کی سربراہی والی ایک تین رکنی عدالتی کمیشن نے آج سنگم گھاٹ پر حادثے کی جگہ کا دورہ کیا۔دورے کے دوران، پریاگ راج کے DIG ویبھو کرشنا نے حادثے کی تفصیلات سے آگاہ کیا۔ کمیشن نے عالمی سطح کی اس روحانی تقریب کے انتظام وانصرام سے متعلق افسران کے ساتھ بھی ایک میٹنگ کی۔ انھوں نے Swaroop Rani اسپتال کا بھی دورہ کیا، جہاں زخمی افراد داخل ہیں۔ کمیشن ایک ماہ کے اندر اپنی رپورٹ جمع کرے گا۔ وہ مستقبل میں اس قسم کے حادثوں کو روکنے کیلئے بھی تجاویز دیں۔