منی پور میں آج Jiribam ضلع میں سکیورٹی فورسز کی جوابی کارروائی میں 10 مسلح ملیٹنٹ ہلاک ہوگئے۔ ذرائع کے مطابق Jiribam ضلع کے Jakuradhor اور Borebekra پولیس اسٹیشن میں قائم CRPF کی ایک پوسٹ پر آج تیسرے پہر مسلح ملیٹنٹوں کے ذریعے حملہ کیا گیا۔ سکیورٹی فورسز نے سخت جوابی کارروائی کی اور شدید جھڑپ میں ملیٹنٹوں کو ہلاک کردیا۔ فائرنگ رکنے کے بعد علاقے کی تلاشی لی گئی اور مسلح ملیٹنٹوں کی دس لاشیں ہتھیار اور گولہ بارود کے ساتھ برآمد کی گئیں۔ حملے کے دوران، CRPF کا ایک کانسٹیبل گولی سے زخمی ہوگیا اور آسام میں اُن کا علاج کیا جارہا ہے۔ اس معاملے میں ایک فوجداری مقدمہ درج کیا گیا ہے اور تحقیقات جاری ہے۔