کامرس اور صنعت کے وزیر پیوش گوئل نے کہا ہے کہ پی ایم گتی شکتی کی بدولت اِس بات میں بڑے پیمانے پر تبدیلی آئی ہے کہ ملک میں بنیادی ڈھانچے سے متعلق پروجیکٹوں کی کس طرح منصوبہ بندی کی جاتی ہے اور اُنہیں کس طرح نافذ کیا جاتا ہے۔ انھوں نے کہا کہ مختلف وزارتوں اور ریاستوں سے اعداد و شمار کو مربوط کرکے حکومت نے زیادہ مؤثر، شفاف اور نتائج پر مبنی نظام تشکیل دیا ہے۔ وزیر موصوف نے کہا کہ پی ایم گتی شکتی کے اثرات، پروجیکٹوں پر تیزی کے ساتھ عمل آوری، لاجسٹکس سے متعلق اخراجات میں کمی اور ملک کے ہر حصے میں بہتر خدمات کی صورت میں سامنے آرہے ہیں۔ کثیر رخی کنیکٹیوٹی کیلئے پی ایم گتی شکتی قومی ماسٹر پلان کے آج تین برس مکمل ہوگئے ہیں۔