مغربی بنگال میں سرکاری اسکیم سے متعلق سائبر دھوکہ دہی کے ایک معاملے میں اب تک 13 افراد کو گرفتار کیا گیا ہے۔ اس سلسلے میں 120 معاملے درج کیے جا چکے ہیں اور دھوکہ دہی کے ان معاملوں سے ایک ہزار 911 افراد متاثر ہو چکے ہیں۔ پولیس اس اسکیم کی چھان بین کر رہی ہے، جسے Tarun er Swapno کا نام دیا گیا ہے اور اس میں ریاستی بورڈ سے منظور شدہ اسکولوں کے گیارہویں اور بارہویں جماعت کے طلبا کو Tablets خریدنے کے لیے 10 ہزار روپے دیے گئے تھے۔خبروں کے مطابق مستفیدین کے بینک اکاؤنٹ میں رقم جمع کرنے کے بجائے یہ دوسرے اکاؤنٹس میں جمع کی جا رہی ہے۔