مغربی بنگال جونیئر ڈاکٹرس فرنٹ سے تعلق رکھنے والے 7 احتجاجی ڈاکٹر، وسطی کولکاتہ Mancha میں اب بھی بھوک ہڑتال پر ہیں۔ وہ R.G Kar میڈیکل اور اسپتال میں حال ہی میں ایک جونیئر ڈاکٹر کی وحشیانہ عصمت دری اور قتل کے سلسلے میں دس نکاتی مطالبات پر زور ڈالنے کی غرض سے بھوک ہڑتال کر رہے ہیں۔ احتجاج کرنے والے جونیئر ڈاکٹروں کی حمایت اور یکجہتی کے اظہار کے طور پر مغربی بنگال کے جوائنٹ پلیٹ فارم آف ڈاکٹرس سے تعلق رکھنے والے سینئر ڈاکٹروں نے کل سے 48 گھنٹے تک کام نہ کرنے کا فیصلہ کیا ہے۔ ہنگامی خدمات کو اِس فیصلے سے مستثنیٰ رکھا گیا ہے۔ انڈین میڈیکل ایسوسی ایشن کا مغربی بنگال یونٹ آج ایک علامتی بھوک ہڑتال کا پروگرام کر رہا ہے۔ اُدھر BJP کے ریاستی صدر Sukanta مجمدار نے کہا ہے کہ مغربی بنگال BJP، ممتا بنرجی سرکار کے خلاف جونیئر ڈاکٹروں کے فرنٹ کے ایجیٹیشن کی مکمل حمایت کرتی ہے۔