مرکزی کابینہ نے آیوشمان بھارت پردھان منتری جَن آروگیہ یوجنا کے تحت 70 سال کی عمر سے زیادہ کے تمام بزرگوں کو اُن کی آمدنی سے قطع نظر صحت کوریج فراہم کرنے کی منظوری دی ہے۔ نئی دلّی میں کابینہ میٹنگ کے بعد صحافیوں کو جانکاری فراہم کرتے ہوئے مرکزی وزیر اشونی ویشنو نے کہا کہ بزرگ شہریوں کو 5 لاکھ روپے تک کے مفت علاج کی سہولت فراہم کی جائے گی۔

انہوں نے اجاگر کیا کہ اِس یوجنا کے تحت ملک میں تقریباً ساڑھے چارکروڑ کنبوں کا احاطہ کیا جائے گا اور تقریباً 6 کروڑ بزرگ شہریوں کو شامل کیا جائے گا۔