مرکزی وزیر خزانہ نرملا سیتا رمن آج راجستھان کے شہر جیسلمیر میں، GST کونسل کی 55 ویں میٹنگ کی صدارت کریں گے۔ میٹنگ میں،اشیا اور خدمات ٹیکس سے متعلق بنیادی نوعیت کے معاملات پر توجہ دی جائے گی۔

گوا، ہریانہ، جموں و کشمیر، میگھالیہ اور اوڈیشہ کے وزراءِ اعلیٰ، اور بہار، مدھیہ پردیش، راجستھان اور تلنگانہ کے نائب  وزراء اعلیٰ نیز بہت سی ریاستوں اور مرکز کے زیر انتظام علاقوں کے وزراءِ خزانہ میٹنگ میں شرکت کریں گے۔

ہمارے نامہ نگارنے بتایا کہ میٹنگ کے لیے سبھی تیاریاں کرلی گئی ہیں۔

V/C Jitendra

امید ہے کہ GST کونسل خوراک پہنچانے کی خدمات، صحت بیمہ، GST سلیب کو درپیش امکانی مسائل اور شرحوں کو معقول بنانے سے متعلق معاملات پر تبادلہ خیال کرے گی۔  امید ہے کہ اِس میٹنگ میں زندگی اور صحت بیمہ پریمئم سے متعلق GST  شرحوں کو کم کرنے پر بھی بات چیت کی جائے گی۔ یہ توقع بھی کی جاتی ہے کہ اعلیٰ درجے کی گھڑیوں، جوتوں اور ملبوسات پر، ٹیکس شرحوں میں اضافے کے معاملات پر بات چیت کی جائے، اس کے علاوہ کونسل ہوائی جہاز کے ایندھن کو بھی GST کے تحت لانے پر بات چیت کی جائے گی۔ وزیر خزانہ میٹنگ کے بعد GST کونسل کے فیصلوں پر ایک پریس کانفرنس کا انعقاد کرے گی۔