مرکزی وزیر اور ہریانہ کے سابق وزیر اعلیٰ منوہر لال کھٹر نے کہا ہے کہ لوگوں نے کانگریس پارٹی کو مسترد کردیا ہے۔ انھوں نے نامہ نگاروں سے بات کرتے ہوئے کہا کہ عوام نے یہ پیغام دیا ہے کہ وزیر اعظم نریندر مودی کی پالیسیوں کا، ریاست کے عوام پر ایک مثبت اثر پڑا ہے۔ جناب کھٹر نے کہا کہ ہریانہ میں یہ ایک ریکارڈ ہے کہ کوئی پارٹی، لگاتار تیسری بار اقتدار میں آئی ہے۔بی جے پی کے جنرل سکریٹری ارُن سنگھ نے اعتماد ظاہر کیا کہ BJP، ہریانہ میں تیسری بار حکومت تشکیل دے گی جیسا کہ انتخابات کے رجحانات، اُس کے حق میں آرہے ہیں۔ نئی دلّی میں نامہ نگاروں سے بات کرتے ہوئے جناب سنگھ نے کہا کہ اِس سے ظاہر ہوتا ہے کہ عوام نے ریاست میں BJP کی طرف سے کئے گئے ترقیاتی کاموں پر اعتماد کا اظہار کیا ہے۔