الیکٹرانک اور اطلاعاتی ٹکنالوجی کے محکمے کے وزیر اشونی ویشنو نے کہا ہے کہ مصنوعی ذہانت کی صلاحیت کو استعمال کرنے کے بھارت کے طریقہ کار کا مقصد ٹکنالوجی کو جمہوری طرز پر  بروئے کار لانا ہے۔ آج نئی دلی میں گلوبل انڈیا AI سمٹ کا افتتاح کرتے ہوئے جناب ویشنو نے اِس بات پر زور دیا کہ ٹکنالوجی تک ہر کسی کی رسائی ہونی چاہئے۔ انہوں نے کہا کہ حکومت جلد ہی مصنوعی ذہانت سے متعلق انڈیا مشن کا آغاز کرے گی، جس کی لاگت 10 کروڑ روپے ہے۔ اطلاعاتی ٹکنالوجی کے وزیر نے اِس بات سے بھی مطلع کیا کہ مصنوعی ذہانت سے متعلق اختراعی مرکز قائم کیا جائے گا، جو اعلیٰ معیار کے ڈیٹا سیٹس حاصل کرنے پر توجہ مرکوز کرے گا۔ اِس سے تحقیق کاروں اور اسٹارٹ اپس کی کوششوں کو اور زیادہ تقویت ملے گی۔جناب ویشنو نے کہا کہ حکومت مصنوعی ذہانت کی نگرانی سے متعلق قانون لانے پر بھی کام کررہی ہے، جو امکانی خطرات سے تحفظ فراہم کرے گا اور اُن سے نمٹنے میں مدد کرے گا۔