مرکزی وزیرِ داخلہ امت شاہ نے تریپورہ کے وزیرِ اعلیٰ ڈاکٹر مانِک ساہا سے بات کی اور ریاست میں سیلاب کی صورتحال کا جائزہ لیا۔ ایک سوشل میڈیا پوسٹ میں، جناب شاہ نے کہا کہ مرکز کشتیوں اور ہیلی کاپٹروں کے علاوہ، آفات سے نمٹنے والی قومی فورس کی ٹیمیں بھیج رہا ہے تاکہ بچاؤ اور امدادی کارروائیوں میں مدد کی جاسکے۔ جناب شاہ نے مرکز کی طرف سے ہر ممکن امداد کا یقین دلایا۔ انہوں نے کہا کہ مرکزی سرکار بحران کی اِس گھڑی میں تریپورہ کے عوام کے ساتھ ہے۔