مرکزی وزارت صحت نے گزشتہ چند ہفتوں کے دوران چین میں سانس لینے میں دشواری کے بڑھتے ہوئے معاملات کے پیش نظر آج نگراں گروپ کی ایک مشترکہ میٹنگ کی۔ یہ میٹنگ، نئی دلّی میں صحت خدمات کے ڈائریکٹر جنرل کی صدارت میں منعقد ہوئی۔ وزارت صحت نے ایک بیان میں کہا ہے کہ وہ تمام دستیاب چینلوں کے ذریعے چین کی صورتحال پر قریبی نظر رکھے ہوئے ہے اور عالمی صحت تنظیم WHO سے درخواست کی گی ہے کہ وہ صورتحال سے متعلق تازہ ترین جانکاری بروقت فراہم کرتا رہے۔