مرکزی داخلہ سکریٹری گووند موہن نے آج گواہاٹی میں سرحد کے معاملات سے متعلق آسام اور میگھالیہ کے سینئر عہدیداران کے ساتھ ایک میٹنگ کی۔ دونوں ریاستوں کے چیف سکریٹریوں سمیت سینئر اہلکاروں نے اِس میٹنگ میں شرکت کی۔ ہمارے نامہ نگار نے خبر دی ہے کہ مرکز اور آسام حکومت دونوں نے شمال مشرق میں سرحدی معاملات کو حل کرنے کی خاطر اقدامات کئے ہیں۔ دونوں ریاستوں نے زیادہ تر معاملات کو خوش اسلوبی کے ساتھ حل کرلیا ہے۔ مرکزی داخلہ سکریٹری کے ساتھ آج کی میٹنگ سے اِن کوششوں کو تقویت حاصل ہوگی۔ جناب موہن آسام اور اروناچل پردیش کے چیف سکریٹریوں کے ساتھ بھی سرحد سے متعلق ایک میٹنگ کررہے ہیں۔