مرکزی داخلہ سکریٹری گووند موہن نے آج مرکز کے زیر انتظام علاقے چنڈی گڑھ میں مرکز کی جانب سے چلائی جارہی مختلف اہم اسکیموں اور پروگراموں کے نفاذ اور پیشرفت کا جائزہ لیا۔ چنڈی گڑھ کے ایڈمنسٹریٹر کے مشیر راجیو ورما، وزارت داخلہ میں ایڈیشنل سکریٹری آشوتوش اگنی ہوتری اور چنڈی گڑھ انتظامیہ کے دیگر سینئر عہدیداران اِس میٹنگ میں موجود تھے۔ چنڈی گڑھ کی انتظامیہ نے اُن 30 اہم اسکیموں کی پیشرفت سے متعلق رپورٹ پیش کی جنہیں وہاں نافذ کیا گیا ہے۔