مردوں کی ہاکی میں نئی دلّی کے میجر دھیان چند نیشنل اسٹیڈیم میں پہلے میچ میں بھارت کو جرمنی نے صفر کے مقابلے دو گول سے شکست دی۔ جرمنی کیلئے Henrik Mertgens نے چوتھے منٹ میں اور کپتان Lukas Windfeder نے 30ویں منٹ میں گول کئے۔

یہ سیریز خاص اہمیت رکھتی ہے کیونکہ اِس سے ایک دہائی کے بعد بھارت کی راجدھانی میں بین الاقوامی ہاکی کی واپسی ہوئی ہے۔ ہرمن پرِیت سنگھ کی قیادت والی بھارتی ٹیم، جرمنی کے ساتھ دو میچ کھیلے گی۔ بھارت کی اِس ٹیم نے پیرس اولمپکس میں چاندی کا تمغہ جیتا تھا۔ اِس سیریز کا دوسرا میچ کَل ہوگا۔x