مدھیہ پردیش کے وزیراعلیٰ ڈاکٹر موہن یادو نے اعلان کیا ہے کہ ریاستی سرکار کے ایک سال مکمل ہونے کے موقع پر اس مہینے کی 11 سے 26 تاریخ تک پوری ریاست میں جَن کلیان پَرو منایا جائے گا۔ نئی دلّی میں نامہ نگاروں سے خطاب کرتے ہوئے ڈاکٹر یادو نے کہا کہ اس مہم کے تحت نوجوانوں، خواتین، کسانوں اور غریبوں کی ترقی اور بہبود پر توجہ مرکوز کی جائے گی۔ انہوں نے مزید کہا کہ اس مہم کے ایک حصے کے طور پر مدھیہ پردیش کے مختلف ضلعوں میں 18 ہزار کروڑ روپے سے زیادہ کے مختلف ترقیاتی پروجیکٹوں کا آغاز بھومی پوجن سے کیا جائے گا۔