مدھیہ پردیش میں، 15 لاکھ 63 ہزار سے زیادہ مستفیدین، Svamitva اسکیم کے تحت وزیر اعظم سے پراپرٹی کارڈ حاصل کریں گے۔ ای-تقسیم تقریب کے تحت مستفیدین کو، آج پراپرٹی کارڈ فراہم کیے جائیں گے۔ یہ پہل ملک کے دیہاتوں کو بااختیار بنانے اور حکمرانی کے سفر میں قابلِ ذکر سنگِ میل کی حیثیت رکھتی ہے۔ ہمارے نمائندے نے خبر دی ہے کہ یہ اسکیم دیہی بھارت کے معاشی بدلاؤ کے ذریعے دیہی آبادی کے علاقوں میں املاک کے مالکان کو حقوق کے ریکارڈ فراہم کرنے پر مرکوز ہے۔

مزید تفصیل ہمارے نامہ نگار سے

V/C Sanjeev Sharma

اس دوران وزیر اعظم مستفیدین سے ورچوئل طریقے سے بات چیت بھی کریں گے۔ مدھیہ پردیش کے وزیر اعلیٰ ڈاکٹر موہن یادو، سیونی میں ریاستی سطح کی تقریب میں موجود رہیں گے۔ مدھیہ پردیش کے ضلع ہیڈکوارٹرز بھی پراپرٹی کارڈ تقسیم سے متعلق تقریبات منعقد کریں گے، جس میں مرکزی اور ریاستی وزراء، اراکین پارلیمنٹ اور اراکین اسمبلی شرکت کریں گے۔ اندازے کے مطابق مدھیہ پردیش کی تقریباً 45 لاکھ 60 ہزار املاک میں سے 39 لاکھ 63 ہزار پراپرٹی کارڈز تیار کیے جا چکے ہیں اور اب تک 24 لاکھ کارڈز تقسیم کیے جا چکے ہیں۔