لوگوں میں حب الوطنی کے جذبے کو بڑھاوا دینے کیلئے پورے ملک میں ہرگھر ترنگا مہم کَل سے 15 اگست تک چلائی جائے گی۔ آج نئی دلّی میں ایک پریس کانفرنس سے خطاب کرتے ہوئے ثقافت اور سیاحت کے وزیر گجیندر سنگھ شیخاوت نے لوگوں پر زور دیا کہ وہ اپنے گھروں پر ترنگا لہرائیں اور ترنگے کے ساتھ سیلفی لے کر ہر گھر ترنگا ویب سائٹ پر اِسے اَپ لوڈ کریں۔
انھوں نے کہا کہ آزادی کے امرت مہوتسو کے تحت 2022 میں ہر گھر ترنگا مہم کا آغاز کیا گیا تھا۔ جناب شیخاوت نے کہا کہ پچھلے سال 10 کروڑ سے زیادہ لوگوں نے ترنگے کے ساتھ اپنی سیلفی اَپ لوڈ کی تھی۔ انھوں نے یہ بھی کہا کہ پورے ملک میں 200 سے زیادہ ثقافتی پروگراموں کا اہتمام کیا جائے گا۔جناب شیخاوت نے کہا کہ ارکان پارلیمنٹ اور وزیروں کے ساتھ ترنگا بائک ریلی 13 اگست کو ہوگی۔