لوک سبھا اسپیکر اوم برلا نے صحت مند اور مضبوط جمہوریت کے لیے مذاکرات اور باہمی تعاون کے ماحول کو فروغ دینے کی ضرورت پر زور دیا ہے۔ انہوں نے ان خیالات کا اظہار نئی دہلی میں نو منتخب ارکان پارلیمنٹ کے لیے منعقدہ دو روزہ تعارفی پروگرام کے اختتامی اجلاس سے خطاب کرتے ہوئے کیا۔ دنیا کی سب سے بڑی جمہوریت کے طور پر بھارت کے مقام کو اجاگر کرتے ہوئے جناب برلا نے اراکین پارلیمنٹ پر زور دیا کہ وہ جمہوری طرز عمل کے اعلیٰ ترین معیارات کو برقرار رکھیں۔ انہوں نے مزید کہا کہ ممبران کا عمل نہ صرف بھارت میں بلکہ پوری دنیا میں دیکھا جاتا ہے، اس لیے انہیں متانت، شائستگی اور احترام کے ساتھ برتاؤ کرنا چاہیے۔

اسپیکر نے کہا کہ یہ ارکان کی ذمہ داری ہے کہ وہ جن لوگوں کی نمائندگی کرتے ہیں ان کی امیدوں اور امنگوں کو پورا کریں۔