لبنان کے وزیر اعظم نجیب میقاتی نے علاقائی کشیدگی اور تنازعات کے بڑھنے کے امکان پر تشویش کا اظہار کیا ہے۔ انہوں نے فوج کے 79 ویں دن کے موقع پر لبنان کی فوج کے صدر دفتر کے دورے کے موقع پر یہ بات کہی۔ جناب میقاتی نے کہا کہ علاقائی واقعات باعث تشویش ہیں اور خطرہ بڑھنے سے اِن کے ایک خطے سے دوسرے خطے میں پھیلنے کا اندیشہ رہتا ہے۔ اسرائیل اور لبنان کے سرحدی علاقے میں کشیدگی پھیل رہی ہے کیونکہ اسرائیل نے منگل کی شام کو جنوبی بیروت کے مضافاتی علاقے Dahieh میں حزب اللہ کی مجلس شوریٰ کے دفتر کے پاس ڈرون سے تین میزائل داغے تھے۔ اِس حملے میں حزب اللہ کا چوٹی کا ایک کمانڈر فواد شُکر مارا گیا تھا۔