قومی راجدھانی میں پانی کے بحران کے درمیان دلی حکومت نے پانی کے ٹینکر فراہم کرنے اور پانی سے متعلق شکایات کے ازالے کی خاطر جلد سے جلد کارروائی کرنے کیلئے ہر زون میں ایڈیشنل ضلع مجسٹریٹ اور سب ڈویژنل مجسٹریٹ سطح کے افسروں کو تعینات کرنے کا فیصلہ کیا ہے۔ یہ ٹیم تحصیلداروں اور دیگر عہدیداران پر بھی مشتمل ہوگی۔ شہر کی پانی کے محکمے کی وزیر آتشی نے دلی کے چیف سکریٹری کو تحریری طور پر یہ ہدایت دی ہے کہ وہ اِس بات کو یقینی بنائیں کہ یہ ٹیمیں آبی ذخائر سے پانی کو قابل استعمال بنانے کے پلانٹس اور اِن پلانٹس سے زیرزمین اصل ذخائر تک پانی کی تقسیم کے نظام کی نگرانی اور معائنہ کریں گی۔ اِس دوران آج BJP نے شہر میں پانی کے بحران کیلئے دلی حکومت کو تنقید کا نشانہ بنایا۔ پارٹی کے دِلی یونٹ کے چیف ویریندرسچدیوا نے کہا کہ وہ شروع سے ہی یہ بات کہہ رہے ہیں کہ دِلی میں پانی کی قلت عام آدمی پارٹی حکومت کی وجہ سے پیدا ہوئی ہے۔×