قومی راجدھانی دلی میں جیسے جیسے انتخابات کی تاریخ نزدیک آ رہی ہے، سیاسی محاذ آرائی شدت اختیار کر رہی ہے۔ 70 رکنی دلی اسمبلی انتخابات کے لیے مہم پورے زور و شور سے جاری ہے۔ سینئر بی جے پی رہنما اور مرکزی وزیر داخلہ امت شاہ آج بدرپور اور کستوربا نگر حلقے میں ایک روڈ شو کریں گے۔ جناب شاہ کالکاجی علاقے میں ایک عوامی جلسے سے بھی خطاب کریں گے۔

عام آدمی پارٹی کے قومی کنوینر اروند کیجیروال آج شام Ghonda  اور کراول نگر میں عوامی جلسوں سے خطاب کریں گے۔ عام آدمی پارٹی کے سینئر رہنما اور پنجاب کے وزیراعلیٰ بھگونت مان بھی قومی راجدھانی کے مختلف حصوں میں روڈ شو کریں گے اور عوامی جلسوں سے خطاب کریں گے۔ کانگریس کے سینئر لیڈر راہل گاندھی آج شام پٹ پڑ گنج اسمبلی سیٹ پر ایک ریلی سے خطاب کریں گے۔ کانگریس کے ایک اور لیڈر سچن پائلٹ بادلی علاقے میں ایک روڈ شو کریں گے اور اپنے پارٹی امیدواروں کے حق میں لوگوں کی حمایت حاصل کریں گے۔ دلی اسمبلی انتخابات پانچ فروری کو منعقد ہوں گے جبکہ ووٹوں کی گنتی آٹھ فروری کو کی جائے گی۔x