قطر کے امیر شیخ تمیم بن حمد الثانی آج سے بھارت کے دو روزہ سرکاری دورے پر رہیں گے۔ اپنے دورے کے دوران شیخ تمیم، وزیر اعظم نریندر مودی کے ساتھ بات چیت کریں گے۔ اُن کے ہمراہ وزراء، سینئر عہدیداران اور ایک کاروباری وفد سمیت اعلیٰ سطحی وفد بھی بھارت آ رہا ہے۔ وزارتِ خارجہ نے ایک بیان میں کہا ہے کہ قطر کے امیر کے دورے سے بڑھتی ہوئی کثیر رخی شراکت داری کو مزید تقویت ملے گی۔ وزارتِ خارجہ نے کہا ہے کہ حالیہ برسوں میں دونوں ملکوں کے درمیان تجارت، سرمایہ کاری، توانائی، ٹیکنالوجی، ثقافت کے شعبوں میں تعلقات لگاتار مضبوط ہوئے ہیں اور عوام سے عوام کے درمیان رشتے بھی مستحکم ہوئے ہیں۔ ×