صنعتوں کی آل انڈیا ایسوسی ایشن نے کہاہے کہ اقتصادی جائزے میں اس سال جی ڈی پی کی شرح نمو چھ اعشاریہ پانچ سے سات فیصد رہنے کا تخمینہ لگاکر بھارتی معیشت کی امید افزا تصویر پیش کی گئی ہے۔ ایسوسی ایشن کے صدر ڈاکٹر وجے Kalantri نے ایک بیان میں کہاکہ اقتصادی جائزے میں MSMEs کی معیشت کی ریڑھ کی ہڈی کے طور پر درست شناخت کی گئی ہے اور اس شعبے میں بندشیں ختم کرنے اور ڈیجیٹائزیشن پر زور دیا گیا ہے۔ ڈاکٹر Kalantri نے معاشی ترقی کو فروغ دینے کیلئے امرت کال میں پالیسی کو ازسرنو آگے بڑھانے کیلئے چھ شعبوں پر توجہ دینے کیلئے اس سروے کی تعریف کی۔ ان چھ شعبوں میں زراعت، MSMEs،  پرائیویٹ سرمایہ کاری، Green Transition کیلئے مالی مدد، تعلیم اور روزگار میں فرق کو حل کرنا اور حکومت کی پالیسیوں کے موثر نفاذ کیلئے ملکی صلاحیت سازی شامل ہیں۔

انہوں نے کہاکہ یہ حوصلہ افزا بات ہے کہ سروے میں بھارت کو دنیا کی مالی خدمات کا مرکز بننے کی توقع کی گئی ہے۔