صدر جمہوریہ دروپدی مرمو نے گروتیغ بہادر جی کے شہیدی دِوَس کے موقع پر اُنھیں خراجِ عقیدت پیش کیا۔ اپنے پیغام میں صدر جمہوریہ نے کہا کہ گروتیغ بہادر جی نے اپنی زندگی انسانیت اور مذہب کیلئے وقف کردی۔ انھوں نے کہا کہ وہ ایک عظیم روحانی رہنما اور ایک سچے محب وطن تھے جنھوں نے محبت اور اتحاد کو فروغ دیا اور سچائی اور انصاف کی خاطر جستجو کرنے کیلئے لوگوں کی حوصلہ افزائی کی۔ صدر جمہوریہ دروپدی مرمو نے لوگوں سے کہا کہ وہ گروتیغ بہادر جی کی تعلیمات پر عمل کریں اور اپنی زندگیوں میں اُن کے نظریات کو شامل کریں۔