صدر جمہوریہ دروپدی مرمو نے تین افریقی ملکوں کے اپنے دورے کے ایک حصے کے طور پر ملاوی کے دورے کے دوسرے دن آج اپنے ہم منصب Lazarus Chakwera سے باہمی میٹنگیں کیں۔ وفد کی سطح کی بات چیت کے بعد بھارت اور ملاوی کے درمیان چار مفاہمت ناموں پر دستخط کئے گئے۔
بھارت اور ملاوی نے کھیلوں، نوجوانوں کے امور، ادویات سازی اور آرٹ اور ثقافت کے شعبوں میں تعاون سے متعلق چار اہم مفاہمت ناموں پر دستخط کئے ہیں۔ خیرسگالی کے جذبے کے طور پر بھارت ملاوی کو ایک ہزار میٹرک ٹن چاول اور Bhabhtron کینسر کے علاج کی مشینیں دے رہا ہے۔ صدر جمہوریہ دروپدی مرمو نے ملاوی میں ایک مستقل مصنوعی اعضا بدلے جانے کا مرکز کھولے جانے کا بھی اعلان کیا۔ امور خارجہ کی وزارت کے سکریٹری ارُن کمار چٹرجی نے ملاوی کے صدر جمہوریہ کے بارے میں میڈیا کو بتایا کہ اُن کے اِس دورے سے بھارت-ملاوی تعلقات کی تاریخ میں ایک نئے باب کا اضافہ ہوا ہے۔باہمی اور وفد کی سطح کی بات چیت میں دونوں ملکوں کی پیشرفت اور خوشحالی کی جانب دونوں ملکوں کے مضبوط عزم کی توثیق کی ہے۔
صدر جمہوریہ کا دورہ کَل مکمل ہوجائے گا اور وہ ملاوی سے دلّی روانہ ہوجائیں گی۔ صدر جمہوریہ کَل شری رادھا کرشنا مندر اور ملاوی کی مشہور جھیل کا دورہ کریں گی۔