صدر جمہوریہ دروپدی مرمو آج مَلاوی کے اپنے دورے کے دوسرے دن وہاں کے رہنماؤں کیساتھ باہمی بات چیت کریں گی اور اِس میں دونوں ملکوں کے وفود بھی شامل ہوں گے۔ صدر جمہوریہ تین افریقی ملکوں کے دورے پر گئی ہوئی ہیں۔

صدر جمہوریہ دروپدی مرمو آج جمہوریہ مَلاوی کے صدر کے ساتھ باہمی بات چیت کرنے والی ہیں۔ اِس کے علاوہ مختلف معاملات پر وفود کی سطح کی بات چیت بھی ہوگی۔ صدرجمہوریہ قومی جنگی میموریل بھی جائیں گی۔ اِدھر صدر جمہوریہ دروپدی مرمو نے کَل شام بھارتی برادری کے لوگوں کے ساتھ گفتگو کی۔ انہوں نے بھارتی برادری پر زور دیا کہ وہ اچھا کام کرتے رہیں اور وِکست بھارت کے نظریے میں سرگرم ساجھیدار بنیں۔