صدرِ جمہوریہ دروپدی مرمو آج نئی دلی میں یونانی دن کے موقع پر دو روزہ بین الاقوامی کانفرنس کا افتتاح کریں گی۔ سائنس اور ٹیکنالوجی کے وزیر ڈاکٹرجتیندر سنگھ بھی اس موقع پر موجود رہیں گے۔نامور یونانی حکیم، ماہرِ تعلیم اور مجاہد آزادی حکیم اجمل خاں کے یومِ پیدائش پر ہر سال گیارہ فروری کو یونانی دن منایا جاتا ہے۔یونانی ادویات میں تحقیق کی مرکزی کونسل آیوش کی وزارت کے تحت ایک مرکزی تحقیقی کونسل ہے، جو ”مربوط طبی اقدامات کے لیے یونانی ادویات میں اختراعات۔ آگے کی راہ“ کے موضوع پر اِس دو روزہ بین الاقوامی کانفرنس کی میزبانی کر رہی ہے۔ یہ کانفرنس مذاکرات، تعاون اور علم کے تبادلے کے لیے ایک پلیٹ فارم کے طور پر کام کرے گی، جس کا مقصد عالمی صحت اور بہبود کو فروغ دینے میں یونانی ادویات کے اہم رول کو اجاگر کرنا ہے۔x