صدرِ جمہوریہ دروپدی مرمو نے آج کہا ہے کہ حکومت درجِ فہرست قبائل سمیت معاشرے کے سبھی طبقات کی ترقی کیلئے کام کر رہی ہے۔ راشٹرپتی بھون میں مختلف ریاستوں کے پنچایتی راج اداروں کے درجِ فہرست قبائل کی خواتین نمائندوں سے خطاب کرتے ہوئے صدرِ جمہوریہ نے کہا کہ پنچایتی راج ادارے بھارتی جمہوریت کی مضبوط بنیاد رہے ہیں۔ انھوں نے کہا کہ پنچایتی راج ادارے بنیادی سطح پر حکمرانی اور سماجی ترقی کیلئے ایک پلیٹ فارم فراہم کرتے ہیں۔صدر جمہوریہ نے مزید کہا کہ ان اداروں نے خواتین کو بااختیار بنانے میں اہم رول ادا کیا ہے۔ انھوں نے کہا کہ شراکت داری کو مزید مستحکم بنانے کیلئے بیشتر ریاستوں نے ریزرویشن کی حد کو بڑھا کر 50 فیصد تک کردیا ہے۔