صدرِ جمہوریہ دروپدی مرمو نے دور دراز کے علاقوں میں انٹرنیٹ کی بڑھتی ہوئی رسائی کے تناظر میں آن لائن روزگار کے مواقع پیدا ہونے کی ستائش کی ہے۔ انہوں نے زور دے کر کہا کہ ٹیکنالوجی کا استعمال پائیدار ترقی اور مفادِ عامہ کیلئے کیا جانا چاہیئے کیونکہ اِس کا غلط استعمال تباہ کن ثابت ہوسکتا ہے۔ صدرِ جمہوریہ آج ہریانہ کے فرید آباد میں سائنس اور ٹیکنالوجی کی JC Bose یونیورسٹی کے تقسیمِ اسناد کے پانچویں جلسے کی تقریب سے خطاب کررہی تھیں۔ محترمہ دروپدی مرمو نے کہا کہ سردست پوری دنیا چوتھے صنعتی انقلاب کے دور سے گزر رہی ہے اور بھارت دستیاب موقعوں سے فائدہ اٹھانے اور اِس کے چیلنجوں کا سامنا کرنے کیلئے تیار ہے۔