صدر جمہوریہ دروپدی مرمو، آج صبح تین ملکوں، الجیریا، موریتانیہ اور ملاوی کے دورے پر روانہ ہو گئی ہیں۔ بھارت کی جی۔ٹوئینٹی صدارت کے دوران، افریقی یونین کو جی۔ٹوئینٹی کا مستقل رکن بنائے جانے کے ایک سال بعد صدر جمہوریہ ہند کا اِن تینوں ملکوں کا یہ پہلا دورہ ہے۔ اپنے دورے کے دوران، صدرِ جمہوریہ مرمو، دو طرفہ میٹنگیں کریں گی اور بھارتی برادری سے بات چیت کریں گی۔

ہمارے نامہ نگار نے خبر دی ہے کہ صدر جمہوریہ دروپدی مرمو بھارتی وقت کے مطابق رات نو بجے الجیئرس پہنچیں گی۔ الجیریا کے اپنے تین روزہ دورے کے دوران صدرِ جمہوریہ مرمو اپنے ہم منصب عبد الماجد Tebboune اور دیگر سرکردہ رہنماؤں کے ساتھ دو طرفہ ملاقاتیں کریں گی۔

صدر جمہوریہ الجیریا کے ثقافتی اور تاریخی اہمیت کے حامل مقامات یادگارِ شہدا Maqam Echahid کا دورہ کریں گی۔ جہاں وہ گلہائے عقیدت نذر کریں گی۔ اس کے علاوہ وہ رومن باقیات، مقبرے اور Hamma گارڈن کا بھی دورہ کریں گی۔ صدرِ جمہوریہ کا بھارت-الجیریا اقتصادی فورم سے خطاب کرنے کا بھی پروگرام ہے۔

اپنے دورے کے دوسرے مرحلے کے تحت صدرِ جمہوریہ مرمو 16 اکتوبر کو موریتانیہ اور تیسرے مرحلے میں 17 سے 19 اکتوبر کے درمیان ملاوی کا دورہ کریں گی۔×