صدرِ جمہوریہ دروپدی مرمو آج نئی دلّی میں سپریم کورٹ کے نئے پرچم اور نشان کی نقاب کشائی کرنے والی ہیں۔ وہ ضلع عدلیہ کی قومی کانفرنس کے اختتام پر خطاب بھی کریں گی۔ اِس دو روزہ کانفرنس کا اہتمام سپریم کورٹ نے کیا ہے۔ کَل کانفرنس کا افتتاح کرتے ہوئے وزیر اعظم نریندر مودی نے کہا تھا کہ خواتین کے خلاف زیادتیاں اور بچوں کی سلامتی، معاشرے کیلئے بہت تشویش کی بات ہے۔ جناب مودی نے کہا کہ خواتین کی سلامتی کیلئے ملک میں کئی سخت قوانین بنائے گئے ہیں لیکن انہیں اور زیادہ فعال بنانے کی ضرورت ہے۔