صدرجمہوریہ دروپدی مرمو نے کل نئی دلّی میں سات زمروں میں غیر معمولی حصولیابیوں کیلئے 17 بچوں کو پردھان منتری  بال پُرسکار عطا کئے۔ 14 ریاستوں اور مرکز کے زیر انتظام علاقوں سے تعلق رکھنے والے بچوں کو آرٹ، ثقافت، شجاعت، اختراع، سائنس اور ٹیکنالوجی، سماجی خدمات، کھیل کود اور ماحولیات کے شعبوں میں گراں قدر خدمات کے اعتراف میں یہ ایوارڈ عطا کئے گئے۔ وزیراعظم نریندر مودی اور خواتین اور بچوں کی بہبود کی وزیر Annapurna devi نے ایوارڈ یافتگان سے    بات چیت کی۔ آکاشوانی نیوز سے خصوصی بات چیت میں ایوارڈ حاصل کرنے والے بچوں نے اپنی خوشی کا اظہار کیا۔