صدر جمہوریہ دروپدی مرمو نے کہا ہے کہ سیاحت کے شعبے کی ترقی سے نہ صرف ہماری ثقافت کو فروغ ملتا ہے بلکہ نوجوانوں کیلئے روزگار کے بڑے مواقع پیدا ہوتے ہیں۔ صدرجمہوریہ مرکز کے زیر انتظام علاقے دادرا اور نگر حویلی اور دمن اور دیو کے تین روزہ دورے پر ہیں۔
انھوں نے مرکز کے زیر انتظام اِس علاقے میں اسپورٹ اِیرینا اور Zanda Chowk اسکول اور گیم زون کے فیز دو سمیت کئی ترقیاتی پروجیکٹوں کا افتتاح کیا۔ اجتماع سے خطاب کرتے ہوئے صدرجمہوریہ نے دمن اور دیو اور دادرا نگر حویلی کی انتظامیہ کی جانب سے سیاحت، تعلیم اور علاقے میں صنعتی ترقی کے شعبے میں کوششوں کی تعریف کی۔

صدرجمہوریہ نے اِس بات پر بھی زور دیا کہ ترقی یافتہ بھارت کے نظریئے کو حاصل کرنے کیلئے گاؤوں کی ترقی بھی ضروری ہے۔ صدرجمہوریہ نے اِس بات کی بھی توثیق کی کہ مرکزی حکومت قبائلی برادریوں کی فلاح و بہبود کیلئے پابند عہد ہے۔
اِس سے قبل صدرجمہوریہ نے Silvassa میں نمو طبی تعلیم اور ریسرچ انسٹی ٹیوٹ کا دورہ کیا۔ بعد میں صدرجمہوریہ Diu میں INS Khukhri پر بھی جائیں گی۔x