سپریم کورٹ نے ترومالا مندر میں Prasadam لڈو تیار کرنے میں ملاوٹی گھی کے استعمال سے متعلق الزامات کی تحقیقات کی غرض سے، ایک آزادانہ خصوصی تحقیقاتی ٹیم SIT تشکیل دینے کا حکم دیا ہے۔ اس SIT میں، CBI اور آندھراپردیش کے دو دو عہدیدار اور خوراک کے تحفظ اور معیار سے متعلق بھارتی اتھارٹی FSSAI کا ایک سینئر عہدیدار شامل ہوگا، جبکہ CBI کے ڈائریکٹر، اس تحقیقات کی نگرانی کریں گے۔ آج اس معاملے پر کئی عرضداشتوں کی سماعت کرتے ہوئے، عدالت عظمیٰ نے کہا کہ اُس نے اس کیس میں الزامات اور جوابی الزامات کی حقیقی کیفیت کے بارے میں کوئی بھی مشاہدہ نہیں کیا ہے اور اس بات کی بھی وضاحت کی ہے کہ وہ تروملا مندر کے کروڑوں عقیدت مندوں کے جذبات کو تسکین دینے کے مقصد سے یہ حکم دے رہی ہے۔