سماجی انصاف اور تفویضِ اختیارات کی مرکزی وزارت کے تحت معذور افراد کو بااختیار بنانے کا محکمہ نئی دلّی کے انڈیا گیٹ پر آج سے شروع ہونے والے 22 ویں دِوّیا کَلا میلے کی میزبانی کرے گا۔ اس پروگرام میں، پورے بھارت کے معذور دستکاروں، کاروباری افراد اور فنکاروں کے ہُنر، تخلیقیت اور کاروباری جذبے کی نمائش کی جائے گی۔

ایک سو سے زیادہ معذور کاروباری افراد اور دستکار اپنی اشیاء اور ہُنر کی نمائش کریں گے۔ 11 روزہ میلہ صبح 11 بجے سے رات 9 بجے تک روزانہ کھلا رہے گا اور یہ اس مہینے کی 20 تاریخ تک جاری رہے گا۔ اس کا مقصد معذور افراد کی صلاحیت، عزم اور ہُنر کو اُجاگر کرنا ہے۔