سری لنکا میں بھارت کے ہائی کمشنر سنتوش جھا نے کہا ہے کہ آیوروید، بھارت اور سری لنکا کے درمیان ایک پُل کی طرح ہے جو مشترکہ ثقافتی وراثت اور صحت کے روایتی علاج میں دونوں ملکوں کو آپس میں جوڑتا ہے۔ انھوں نے کہا کہ آیوروید نے جس کی جڑیں بھارت کی قدیم دانشوری میں ہے، صدیوں سے سری لنکا کے مقامی دانشوری سے مل کر ایک منفرد روایت کو مستحکم کیا ہے۔ جناب جھا نے یہ باتیں آج کولمبو یونیورسٹی میں نویں آیوروید دن کی تقریبات کے موقع پر کہی۔