سرحدی بنیادی ڈھانچے کو بڑے پیمانے پر مستحکم کرتے ہوئے وزیر دفاع راجناتھ سنگھ نے آج دو ہزار 236 کروڑ روپئے کے 75 پروجیکٹوں کا ورچوئل طریقے سے افتتاح کیا اور قوم کے نام وقف کیا۔ سرحدی سڑک تنظیم BRO نے اِن کی تعمیر کی ہے۔ یہ پروجیکٹ انڈومان و نکوبار جزائر سمیت گیارہ سرحدی ریاستوں اور مرکز کے زیر انتظام علاقوں میں تعمیر کئے گئے ہیں۔ افتتاحی تقریب سے ورچوئل طریقے سے خطاب کرتے ہوئے وزیر دفاع نے کہا کہ NDA سرکار کے اقتدار میں آنے کے بعد سے شمال مشرقی اور سرحدی ریاستوں کو ترقی کے اصل دھارے میں لایا گیا ہے۔