ریلویز کے مرکزی وزیر اشونی ویشنو نے 2024-25 کے مرکزی بجٹ کو، ریلویز کیلئے ایک تاریخی بجٹ قرار دیا۔ نئی دلّی میں میڈیا سے خطاب کرتے ہوئے جناب ویشنو نے کہا کہ ریلویز کیلئے بجٹ میں دو لاکھ 62 ہزار دو سو کروڑ روپئے کی، اب تک کی سب سے بڑی رقم مختص کی گئی ہے۔ انھوں نے یہ بھی کہا کہ اِس سے ریلوے کے محکمے کو بڑے پیمانے پر فروغ حاصل ہوگا۔ جناب ویشنو نے کہا کہ کُل بجٹ میں سے ایک لاکھ آٹھ ہزار کروڑ روپئے سے زیادہ کی رقم حفاظت سے متعلق سرگرمیوں کیلئے مختص کی گئی ہے۔