آر بی آئی کے گورنر شکتی کانت داس نے کہا ہے کہ بھارت کی ترقی کی رفتار برقرار ہے، کیونکہ اس کے بنیادی عنصر کھپت اور سرمایہ کاری کی مانگ میں تیزی آرہی ہے۔ آر بی آئی کے ماہانہ بلیٹن میں جناب داس نے بتایا کہ مالی سال 2024-25 کے لیے بھارت کی جی ڈی پی کی حقیقی شرح نمو سات اعشاریہ دو فیصد رہنے کا امکان ہے۔ انہوں نے مزید بتایا کہ زرعی اور دیہی مانگ میں بہتری کے سبب نجی کھپت کے بہتر ہونے کے امکانات ہیں۔ آر بی آئی گورنر نے بتایا کہ خدمات میں پائیدار بہتری سے بھی شہری مانگ میں اضافہ ہوگا۔ بجٹ تخمینوں کے تناظر میں حکومت کی طرف سے مرکز اور ریاستوں کے اخراجات میں تیزی آنے کی امید ہے۔ آر بی آئی بلیٹن کے مطابق 2024-25 کیلئے سی پی آئی افراط زر چار اعشاریہ پانچ فیصد طے کی گئی ہے۔