تلنگانہ کے وزیراعلیٰ A Revanth Reddy نے متعلقہ افسروں کو ہدایت دی ہے کہ ریاست بھر میں دھان کی خریداری کیلئے سبھی ضروری اقدامات کریں۔ وزیراعلیٰ نے انہیں یہ بھی ہدایت دی ہے کہ وہ دھان کی خریداری میں تیزی لائیں۔ وزیراعلیٰ نے یہ مشورہ بھی دیا ہے کہ خصوصی افسروں کو دھان کی خریداری کے مراکز کا دورہ کرنا چاہیے۔ انہوں نے حکام سے کہاہے کہ وہ کسانوں کی شکایات کا بروقت ازالہ کریں اور وقتاً فوقتاً دھان کی خریداری پر قریبی نگاہ رکھیں۔

اِس دوران شہری رسدات کے وزیر N Uttam Kumar Reddy نے مِل مالکان سے اپیل کی ہے کہ وہ دھان کی خریداری میں تعاون کریں۔

انہوں نے اعلان کیا کہ تلنگانہ ریاست دھان کی ریکارڈ پیداوار حاصل کرنے جارہی ہے اور اندازہ ہے کہ اِس سیزن میں 150 لاکھ میٹرک ٹن دھان کی پیداوار ہوگی۔