امریکہ کے منتخب صدر ڈونلڈ ٹرمپ کے یوکرین میں فوری طور پر جنگ بندی کی اپیل کئے جانے کے بعد، روس نے بات چیت کے تعلق سے کھلے دل کا مظاہرہ کیا ہے۔ ٹرمپ نے اپنے سوشل میڈیا پلیٹ فارم پر یہ کہتے ہوئے، مذاکرات کئے جانے پر زور دیا کہ بہت سی جانیں جاچکی ہیں اور بہت سے خاندان تباہ ہوگئے ہیں۔

روس کے صدر ولادیمیر پوتن کے پریس سکریٹری دِیمتری Peskov نے امن کے تعلق سے کی جانے والی کوششوں کا خیر مقدم کیا ہے، بالخصوص عالمی جنوب کے ممالک اور برکس کے شراکت دار ملکوں چین، برازیل اور جنوبی افریقہ کی جانب سے کئے جانے والے اقدامات کی ستائش کی۔ حالانکہ انہوں نے یوکرین کے صدر Volodymyr Zelenskyy پر مذاکرات مسترد کرنے اور ایک حکم نامہ کے ذریعہ بات چیت میں رکاوٹ پیدا کرنے کا الزام عائد کیا۔ ایک سوشل میڈیا پوسٹ میں جناب Peskov نے اس بات پر زور دیا کہ اگر یوکرین اپنے فرمان کو واپس لے لیتا ہے اور اپنے پہلے کے سمجھوتوں پر مبنی مذاکرات پر پھر سے عمل کرتا ہے تو امن بحال ہوسکتا ہے۔