روس اور بیلاروس کی مسلح فوجوں نے دوسرے مرحلے کی، چھوٹے نیوکلیائی ہتھیاروں کی مشقیں شروع کردی ہیں۔ روس کی وزارت دفاع نے بتایا کہ مشقوں کا مقصد دونوں ملکوں کے Non-Stratagic نیوکلیائی ہتھیاروں کے، جنگی استعمال کیلئے، عملے اور ساز و سامان کے یونٹوں کی تیاری کو برقرار رکھنا ہے تاکہ یونین مملکت بیلاروس کی خود مختاری اور علاقائی سا لمیت کو بلا شرط یقینی بنایا جاسکے۔

ایجنسی کی ایک رپورٹ کے مطابق مشقوں کے پہلے مرحلے میں روسی فوجوں نے جنگی تربیت انجام دی تھی جس میں جنگی کارروائی کے چھوٹے میزائل نظام اِسکندر سے متعلق تربیت بھی شامل ہے۔