امریکہ اور روس کے چوٹی کے سفارتکاروں سمیت سینئر افسران، یوکرین میں جاری جنگ کو ختم کرنے اور اپنے باہمی تعلقات کو بہتر بنانے سے متعلق کَل تبادلہ خیال کریں گے۔ کریملن نے آج کہا کہ تین سال پہلے یوکرین میں شروع کئے گئے روس کے فوجی آپریشن کے بعد، یہ دونوں ممالک کے درمیان اب تک کی سب سے اہم میٹنگ ہوگی۔ اس دوران، یوکرین کے صدر وولودیمیر زیلنسکی نے آج کہا کہ یوکرین، جنگ ختم کرنے سے متعلق اِس ہفتے امریکہ اور روس کے درمیان ہونے والے مذاکرات میں شامل نہیں ہوگا۔ جناب زیلنسکی نے مزید کہا کہ اگر یوکرین اِس میں شامل نہیں تو وہ اس بات کے نتیجوں کو بھی قبول نہیں کرے گا۔