اسپین کے معروف ٹینس کھلاڑی رافیل نڈال نے آج ٹینس سے ریٹائر ہونے کا اعلان کیا ہے۔ انھوں نے 22 مرتبہ گرینڈ سلیم کا خطاب حاصل کیا ہے۔ سوشل میڈیا پر ایک ویڈیو کے ذریعے اپنے ریٹائرمنٹ کا اعلان کرتے ہوئے انھوں نے اپنے کیریئر میں تعاون ملنے پر شکریے کا اظہار کیا۔ نڈال نومبر میں Malaga میں ڈیوس کپ کے فائنل میں اپنا آخری ٹورنامنٹ کھیلیں گے۔ نڈال نے مجموعی طور پر 92 اے ٹی پی سنگلز کا خطاب حاصل کیا ہے جن میں 36 ماسٹرس خطاب اور ایک اولمپک گولڈ میڈل شامل ہے۔